Pep Gvardiola: «Manchester Siti» har ikkala o'yinda «MYu»ga nisbatan kuchliroq o'ynadi»

«Manchester Siti» bosh murabbiyi Pep Gvardiola Angliya liga kubogining yarim final javob o'yini doirasida «Manchester Yunayted»ga qarshi o'yin borasida o'z fikrini bildirib o'tdi.

«Jismoniy jihatdan juda kuchli jamoaga qarshi o'ynadik. Standartdan gol o'tkazib yubordik. Bu ular ijrosidagi darvoza tomon berilgan birinchi zarba edi.

Har ikkala o'yinda biz kuchli bo'ldik. Raqibning 4 himoyachisiga muammolar tug'dirdik. Futbolchilarning o'yinidan qoniqish hosil qildim.

Laport va Fernandino hali yuqori formaga kirib ulgurishmadi. Mendi ham. Yana bir necha kundan keyin ko'ramiz.

Ishonchim komil, ular «Vest Xem»ga qarshi o'yingacha tayyor bo'lishadi. «Tottenxem» bilan o'yingacha bu narsa aniq emas. Tavakkal qilishni istamaymiz», – dedi Gvardiola.