Rasman! «MYu» Fernandesh transferini hal qildi

"Manchester Yunayted" klubi yarim himoyachi Brunu Fernandeshning transferi borasida "Sporting" bilan kelishuvga erishganini ma'lum qildi.

Endi portugaliyalik futbolchi shaxsiy shartnoma borasida mankunianliklar bilan kelishuvga erishib, tibbiy ko'rikdan o'tishi kerak.

Brunu Fernandesh ushbu mavsumda "Sporting" safida barcha musobaqalar doirasida 28ta o'yinda maydonga tushib, 15ta gol urdi va 14ta golga assistentlik qildi.

Eslatib o'tamiz, "MYu" yarim himoyachining transferi uchun 55 million evro to'laydi. Shuningdek, kelishuvda 25 million evro miqdorida turli bonuslar ko'zda tutiladi.