«Atletiko» etakchisi Madrid derbisini o'tkazib yuborishi mumkin

«Atletiko» yarim himoyachisi Joau Felish jarohat oldi. Bu haqda "matraschilar" rasmiy sayti xabar tarqatdi.

Hozircha portugaliyalik futbolchining jarohati qanchalik jiddiy ekani ma'lum emas. Ammo uning "Real"ga qarshi kechadigan o'yinda maydonga tushishi so'roq ostida turibdi.

Felish ushbu  mavsumda 21ta o'yinda maydonga tushib, 4ta gol urdi va bitta golga uzatma berdi. U o'tgan yilning yozida 125 million evro evaziga "Benfika"dan "Atletiko"ga o'tgan edi.

Eslatib o'tamiz, "Real" - "Atletiko" o'yini 1 fevral kuni Toshkent vaqti bilan 20:00da boshlanadi.