Eriksen A seriyaning eng qimmat futbolchisiga aylandi

"Tottenxem"dan "Inter"ga o'tgan yarim himoyachi Kristian Eriksen Transfermarkt versiyasiga ko'ra Italiya A seriyasining eng qimmat futbolchisiga aylandi.

Portal uni 90 million evroga baholagan. Milanliklar daniyalik futbolchi 20 million evroga sotib olib, u bilan 2024 yilning yoziga qadar shartnoma imzolashdi. Eriksenning "neradzurri" safidagi yillik maoshi 10 million evroga teng bo'ladi.

Italiya chempionatining eng qimmat futbolchilari reytingi (top-10):

1. Kristian Eriksen ("Inter") – 90 million evro
2. Paulo Dibala ("Yuventus") – 85
3. Lautaro Martines ("Inter") – 80
4. Matteys de Ligt ("Yuventus") – 75
5. Romelu Lukaku ("Inter") – 75
6. Kalidu Kulibali ("Napoli") – 75
7. Krishtianu Ronaldu ("Yuventus") – 75
8. Sergey Milinkovich-Savich ("Latsio") – 70
9. Miralem Pyanich ("Yuventus") – 70
10. Federiko Keza ("Fiorentina") – 60.

Manba: soccernews.ru