Gvardiola nega Vitor Reys "Jirona"ga ijaraga berilganini tushuntirdi

"Manchester Siti" bosh murabbiyi Xosep Gvardiola himoyachi Vitor Reysning ijaraga ketishi haqida fikr bildirdi.

8 avgust kuni 19 yoshli braziliyalik futbolchi yangi mavsumni Ispaniyaning "Jirona" klubida o'tkazishi ma'lum bo'ldi.

«Siz mening fikrimni bilasiz. Jamoada o'yinchilar ko'p bo'lishini yoqtirmayman. Bu - Vitor Reysning "Jirona"ga ketishining sabablaridan biri. Men Vitorni juda yaxshi ko'raman, uning kelajagi ajoyib, ammo uning har dam olish kunini uyda o'tkazishini istamayman», - deya Gvardiolaning so'zlarini keltiradi City Xtra.

"Manchester Siti" Reysni yanvar oyida 37 million evroga sotib olgandi. O'shandan beri braziliyalik futbolchi atigi to'rtta uchrashuvda maydonga tushdi.