Virts Leverkuzenga qaytishi mumkin

Hujumkor yarim himoyachi Florian Virts yozda "Bayer"dan "Liverpul"ga ko'chib o'tdi. Matbuot ma'lumotlariga ko'ra, mersisaydliklar germaniyalik futbolchi uchun 125 million evro to'lagan, bonuslar hisobiga esa summa 150 milliongacha ko'tarilishi mumkin.

Germaniyaning Sport nashri xabariga ko'ra, Virts "Bayer" muxlislari bilan xayrlashish uchun Leverkuzenga qaytishi mumkin. Bu 5 avgust kuni "dorishunoslar" o'z maydonida "Piza"ga qarshi o'rtoqlik o'yinida maydonga tushganda sodir bo'lishi mumkin.

Yaqin dam olish kunlari "Liverpul" Virtsning Leverkuzenga safarini ma'qullashi kerak.

"Liverpul" yangi mavsumning ilk o'yinini 10 avgust kuni Angliya Superkubogi doirasida "Kristal Pelas"ga qarshi o'tkazadi.