«Yuventus» va «PSJ» o'zaro futbolchi almashishi mumkin

"Yuventus" va "PSJ" klublari o'zaro futbolchi almashishi mumkin. Bu haqda "L’Equipe" va "Sky Sport Italia" nashrlari xabar tarqatdi.

Kelishuvga ko'ra, Leyvin Kurzava turinliklar safiga o'tishi kerak. "PSJ" esa universal futbolchi Mattia De Shiloni talab qilmoqda. Hozircha esa tomonlar muzokaralarni davom ettirishmoqda.

27 yoshli De Shilo ushbu mavsumda 9ta o'yinda maydonga tushdi. Hozir u jarohatidan tiklanmoqda. 27 yoshli Kurzava esa 14ta o'yinda maydonga tushgan.