«Liverpul» mag'lubiyatsiz o'yinlar soni bo'yicha «Chelsi» bilan tenglashib oldi

«Liverpul» klubi Angliya chempionatining 24-turidan o'rin olgan «Vulverxempton»ga qarshi o'yinda g'alaba qozondi (2:1).

Shu tariqa, mersisaydliklar APLdagi mag'lubiyatsiz o'yinlar sonini 40taga etkazishdi. Natijada ular bu ko'rsatkich bo'yicha «Chelsi» bilan tenglashib olishdi. Londonliklar 2004–2005 yillarda ketma-ket 40ta o'yinda yutqazishmagan edi.

Angliya chempionati tarixida mag'lubiyatsiz o'yinlar seriyasi bo'yicha «Arsenal» klubi etakchi hisoblanadi. "Kanonirlar" 2003-2004 yillarda 49ta o'yinda mag'lubiyat nimaligini bilishmagan. Bu boradan ikkinchi o'rin «Nottingem Forest»ga tegishli (42ta o'yin, 1977-1978).

«Liverpul» ushbu mavsumda 67 ochko bilan peshqadam bo'lib turibdi. Jamoa bitta zaxira o'yiniga ega bo'lgan holda 2-o'rindagi «Manchester Siti»dan 16 ochko oldinda bormoqda.