Allegri: «Ronalduning shaxsiy ishlariga aralashmayman»

"Yuventus" bosh murabbiyi Massimiliano Allegri so'nggi paytlarda jamoa hujumchisi Krishtianu Ronaldu atrofida bo'layotgan gap-so'zlar haqida o'z fikrini bildirib o'tdi.

"Bu Ronalduning shaxsiy ishi. Men faqat futbol haqida gapirishni istayman. Lekin u xotirjam ko'rinmoqda, yaxshi shug'ullandi. To'rt oylik tinimsiz futboldan keyin u dam olishi kerak edi. Men uning shaxsiy hayoti bilan shug'ullanmayman.

Krishtianu xotirjam va u tushkunlikka tushmagan. Boshqa savollarga men javob bermayman", – dedi Allegri Football Italia nashriga bergan intervyusida.