La liga. Raul de Tomasning «xet-trigi» «Rayo Valekano»ga g'alaba keltirdi

Ispaniya chempionatining 19-turiga start berildi. «Rayo Valekano» klubi o'z maydonida «Selta»ni qabul qilib, 4:2 hisobida g'alaba qozondi.

Madridliklar hujumchisi Raul de Tomas o'z hisobiga 3ta gol yozib qo'ygani e'tiborga molik. U ushbu mavsumdagi gollari sonini 7taga etkazib oldi.

Qiziq tomoni, mavsumning dastlabki 16ta turida 10 ochko to'plagan "Rayo", so'nggi 3ta o'yinda ketma-ket g'alaba qozondi. Shu tariqa, jamoa asta-sekin xavfli zonadan chiqib ketishga harakat qilmoqda.

«Selta» esa 21 ochko bilan 14-o'rinni egallab turibdi.

Ispaniya La ligasi. 19-tur
Rayo Valekano – Selta – 4:2 (2:2)
Gollar: 1:0 – de Tomas, 4; 1:1 – Araujo, 13; 1:2 – Gomes, 18 (s penalti); 2:2 – de Tomas, 37; 3:2 – de Tomas, 77; 4:2 – Bebe, 90+1.