Sulsher: «MYu» - dunyoning buyuk klublaridan biri»

Angliyaning «Manchester Yunayted» klubi bosh murabbiyi Ole-Gunner Sulsher «Bernli» klubidan qabul qilib olingan mag'lubiyatdan keyingi fikrlarini bildirdi.

«Shubhasiz, qayd etilgan natijadan hafaman. Barchamiz aqlbovar qilmas darajada g'azabdamiz. Futbolchilar bor kuchlarini ishga solmoqda, ammo, bu “Bernli” klubi bilan uchrashuvda kamlik qildi. Ularning ruhan qiyin axvolda qolgani sezilib turdi. Bizga  kreativlik etishmadi.

«Manchester Yunayted» klubi tarkibida o'ynash — katta sharaf. Jamoa dunyoning buyuk klublaridan biri sanaladi. Ba'zan irodani sindiradigan vaziyatlardan o'tishga to'g'ri keladi. Ishonamanki, qo'l ostimdagi futbolchilar bu qiyinchilikdan o'ta oladi», — dedi Ole Gunnar Sulsher.