Beyl to'pig'idan jarohat oldi

«Real» bosh murabbiyi Zayniddin Zidan yarim himoyachi Garet Beyl «Unionistas de Salamanki»ga qarshi bo'lib o'tgan Ispaniya kubogi bahsida nima uchun zaxira olinganiga izoh berdi.

«U to'pig'ini qayirib oldi. Bu jarohatni jiddiy deb o'ylamayman, ammo uning ahvoli haqida ertaga yaxshiroq bilib olamiz. Shuning uchun u o'yinni davom ettira olmadi», – dedi Zidan.

Beyl 4 yanvardan beri «Real» safida ilk marta maydonga tushgan bo'lsa, 1 sentyabrdan beri ilk marta "Qirollik klubi" safida gol urdi.