AFC U23. Olimpiada yo'llanmasi uchun Avstraliya bilan o'ynaymiz

23 yoshgacha bo'lgan futbolchilar o'rtasidagi Osiyo chempionatida finalga chiqqan ikkinchi jamoa nomi aniq bo'ldi. Janubiy Koreya terma jamoasi yarim finalda Avstraliyaga qarshi bahs olib borib, ishonchli g'alabani qo'lga kiritdi.

Koreyslar birinchi taymda ko'pgina xavfli vaziyatlar yaratganiga qaramay, tanaffusga qadar raqib darvozasini ishg'ol qila olmadi.

Ikkinchi bo'limda esa Koreya g'alabani o'z tomoniga og'dirdi. 56-daqiqada Kim De Von, oradan 20 daqiqa o'tib esa Li Dong Kyong Avstraliya darvozasini ishg'ol qildi.

Shu tariqa, Janubiy Koreya Osiyo chempionati finali va Tokio-2020 yo'llanmasini qo'lga kiritdi. Final o'yini 26 yanvar kuni bo'lib o'tadi.

Avstraliya va O'zbekiston o'rtasidagi 3-o'rin uchun o'yin 25 yanvar, juma kuni Toshkent vaqti bilan 17:30da boshlanadi.

AFC U23, yarim final
AVSTRALIYa - JANUBIY KOREYa - 0:2 (0:0)
Gollar: Kim De Von (56), Li Dong Kyong (76)

Manba: www.stadion.uz.