Barchasi yolg'on! Neymarning otasi «Barselona» prezidentiga qo'ng'iroq qilmagan

PSJ hujumchisi Neymarning otasi o'g'lini “Barselona”ga qaytishi borasida tarqalgan xabarlarni inkor qildi.

Ispaniyaning El Mundo nashri avvalroq, 26 yoshli futbolchinig otasi “Barselona”ga qaytishni muhokama qilish uchun, 5 marta qo'ng'iroq qilgani haqida xabar bergandi.

Ushbu materialda Neymarning otasi  “ko'k-anorranglilar”ning prezidenti Xosep Mariya Bartomeu bilan bog'langani ma'lum qilingan edi. Qo'ng'iroq davomida “katta” Neymar PSJ o'g'li uchun mos kelmagani va bu klubda aniq bir loyiha yo'qligini aytgan.

Braziliyalik futbolchining otasi xabarlarning barchasi “feyk” xabarlar ekanligini Instagram’dagi sahifasida yozib qoldirdi.