Jotaning o'limi sabab "Liverpul"ning mavsumoldi yig'ini kechiktirildi
/ Kiritdi: BestMaster Ko'rilgan: 15
Diogu Jotaning o'limi tufayli "Liverpul"ning mavsumoldi tayyorgarligi kechroq boshlanadi.
"Liverpul" va Portugaliya terma jamoasi hujumchisi va uning Portugaliya ikkinchi ligasida "Penafiel" safida to'p tepgan ukasi Andre Silva payshanba kuni YTHda halok bo'ldi.
Jamoaning katta qismi va bosh murabbiy Arne Slot shanba kuni Portugaliyada bo'lib o'tgan Diogu va Andre dafn marosimida qatnashdi.
Dastlab "qizillar"ning birinchi guruhi 4 iyul, juma kuni AXA o'quv-mashg'ulot markaziga qaytishi rejalashtirilgandi. Asosiy qism ularga 7 iyul, dushanba kuni qo'shilishi kerak edi.
Fojia tufayli jamoaga o'zini o'nglab olishi uchun qo'shimcha bo'sh vaqt berildi, deb xabar beradi Liverpool Echo. Endi futbolchilar 8 iyul, seshanba kunidan mavsumoldi tayyorgarligini boshlashlari kutilmoqda.
Bosh sahifaga
391
