«Paxtakor» Muhammadali O'rinboevning transferidan qancha ishlab olgani ma'lum bo'ldi

“Paxtakor” hamda O'zbekiston U-20 terma jamoasi yarim himoyachisi Muhammadali O'rinboev faoliyatini kecha Belgiyaning “Antverpen” klubi bilan 4 yillik shartnoma imzoladi.

Belgiyaliklar 20 yoshli futbolchi uchun 750 ming evro to'laydigan bo'lishdi. Ammo klublar o'rtasidagi kelishuvga ko'ra, O'rinboevning keyingi transferidan "Paxtakor" ulush oladi.

"Antverpen" esa futbolchilarni eksport qilish bo'yicha Evropada juda yaxshi ishlaydi. Xususan, so'nggi 2 yilda klub 13 futbolchini boshqa klubga sotgan va bu transferlarning umumiy summasi 100 million evroni tashkil qilgan.