"Real"ning KO'JChda "yondirayotgan" futbolchisiga 10 ta klubdan taklif bor

Madridning "Real" klubi futbolchisi Gonsalo Garsiya Evropaning o'nlab klublari e'tiborini tortdi.

El Chiringuito TV telekanali xabariga ko'ra, madridlik hujumchiga Angliya, Italiya va "Ispaniyaning yarmi" jamoalari qiziqish bildirmoqda.

Ta'kidlanishicha, 21 yoshli futbolchiga allaqachon o'nta transfer taklifi tushgan.

Avvalroq u klublar o'rtasidagi jahon chempionati to'purarlari poygasida etakchilardan biriga aylangandi. "Real Madrid" forvardi turnirda 4 ta gol urdi.

Shu bilan birga, El Chiringuito TV xabariga ko'ra, ispaniyalik futbolchiga "Los-Blankos"ning asosiy tarkibidan joy olish hali kafolatlanmagan. Hammasi shuni ko'rsatmoqdaki, murabbiy va rahbariyat jarohati tufayli hali jahon chempionatida ishtirok etmagan Endrik va Garsiya o'rtasida tanlov qilishiga to'g'ri keladi.

Eslatib o'tamiz, Garsiyaning shartnomasida tovon puli 50 million evroni tashkil etadi.