Kontening sobiq shogirdi «Inter»da tibbiy ko'rikdan o'tdi

Nigeriyalik yarim himoyachi Viktor Mozes “Inter” safida tibbiy ko'rikdan muvaffaqiyatli o'tdi. Bu haqda jurnalist Janluka Di Martsio xabar tarqatdi.

Manbaning xabariga ko'ra, “Inter” futbolchini 12 million evroga sotib olish huquqi bilan ijaraga  oladi. Hozircha futbolchining transfer huquqi “Chelsi”ga tegishli.

Eslatib o'tamiz, Viktor mavsumning boshlang'ich qismini “Fenerbaxche”da o'tkazgan edi.

Manba: La Gazzetta dello Sport