«Fiorentina» «Roma» himoyachisi bilan muzokaralar olib bormoqda

"Roma" himoyachisi Juan Jesus "Fiorentina"ga ko'chib o'tishga yaqin. Bu haqda nufuzli jurnalist Nikolo Skira xabar bermoqda.

Manbaning xabariga ko'ra, braziliyalik markaziy himoyachi "Fiorentina" bilan uch yillik muddatga oldindan kelishuvga erishgan. Hozirda "Fiorentina" transfer qiymati bo'yicha "Roma" bilan kelishmoqda.

Ma'lumot o'rnida, 28 yoshli futbolchi o'z faoliyatini "A" Seriyasida davom ettirishni istagani uchun Turkiya va Braziliyadan bir qator takliflarni rad etdi.