Saudiya Arabistoni U23 bosh murabbiyi: «Xatoga yo'l qo'ysak, O'zbekiston bizni jazolashi mumkin»

Saudiya Arabistoni olimpiya terma jamoasi bosh murabbiyi Saad ash-Shehriy Osiyo chempionatining yarim finalida O'zbekistonga qarshi o'yin oldidan o'z fikrlarini bildirib o'tdi.

"Amaldagi chempionga qarshi o'ynash juda qiyin bo'ladi, lekin biz finalga chiqish uchun qo'ldan kelgan barcha ishni qilamiz. Bu biz uchun eng muhimi.

Shuningdek, biz ham yaxshi jamoamiz. Shubhasiz, agar xatoga yo'l qo'ysak, O'zbekiston bizni jazolaydi. Ular BAAga qarshi o'yinda buni ko'rsatishdi.

Shunga qaramay, biz maydonga o'z vazifamizni bajarish uchun chiqamiz. Odatdagidek o'z o'yinimizni namoyish qilishga va O'zbekiston yuzaga keltiradigan xavfni bartaraf etishga intilamiz.

Futbolchilar maydonga tayyor holatda tushishadi. Musobaqada biz qayd etayotgan natijalar futbolchilar katta ishonch bermoqda. Ha, bir kun ko'proq dam olganimiz bizga ustunlik beradi", — dedi Ash-Shehriy.