«Barselona» yangi hujumchi sotib oldi

«Barselona» klubi «Albasete» hujumchisi Rey Manayning transferini e'lon qildi.

Transfer summasi 700 ming evroga teng bo'ldi. Kelishuvga ko'ra, kataloniyaliklar o'yinchining ishtirokiga qarab yana 2 million evro miqdorida bonus to'lab berishi mumkin.

"Ko'k-anorranglilar" albaniyalik futbolchiga 50 million evro tovon puli belgilashdi. Manay "Barsa" safida 22-raqamli futbolkada o'ynaydi.

22 yoshli futbolchi bilan 2023 yilning yoziga qadar shartnoma imzolandi.

Manay 2018 yilning yozidan buyon «Albasete» sharafini himoya qilib keladi. Shu paytgacha u jami 41ta o'yinda maydonga tushib, 10ta gol urdi. U Albaniya terma jamoasi safida 12ta o'yinda maydonga tushib, 2ta gol urgan va bitta golga uzatma bergan.