IFFHS reytingi. O'zbekiston superligasi 67-o'rinda

Xalqaro futbol tarixi va statistikasi federatsiyasi (IFFHS) 2019 yilning eng yaxshi milliy chempionatlari reytingini e'lon qildi.

Angliya premer-ligasi yakunlangan yilning eng yaxshi chempionati deb topildi — 1287 ball. APL 2009 yildan beri ilk marta reytingda 1-o'rinni egalladi.

Ikkinchi o'rin esa Braziliya chempionatiga nasib etdi — 1165 ball. Uchinchi o'rinni Ispaniya La ligasi egalladi — 1141 ball. Italiya seriyasi va Kolumbiya chempionati kuchli beshlikka kirishdi.

Keyingi o'rinlarni Portugaliya, Frantsiya, Gollandiya, Argentina va Germaniya chempionatlari egallashdi.

O'zbekiston superligasi jadvalda 292,5 ball bilan 67-o'rinni band etdi. O'tgan yilgi reytingga taqqoslaganda chempionatimiz 5 pog'ona ko'tarilgan. Superligamiz Osiyo qit'asida Janubiy Koreya (30), Saudiya Arabistoni (32), Yaponiya (37), Xitoy (39), Eron (60) chempionatlaridan keyin 6-o'rinni egalladi.

IFFHS. Jahonning eng yaxshi chempionatlari reytingi (top-10):

1. Angliya – 1287 ball

2. Braziliya – 1165

3. Ispaniya – 1141

4. Italiya – 939

5. Kolumbiya – 849

6. Portugaliya – 834

7. Frantsiya – 818

8. Gollandiya – 790,5

9. Argentina – 776

10. Germaniya – 765,5

...

67. O'zbekiston – 292.5

Manba: www.stadion.uz.