A seriya. «Yuventus» Ronalduning «dubli» evaziga g'alaba qozondi

Italiya chempionatining 20-turi doirasida «Yuventus» o'z maydonida «Parma»ni qabul qilib, navbatdagi g'alabani qo'lga kiritdi.

Birinchi bo'lim tugash arafasida Krishtianu Ronaldu jarima maydoni tashqarisidan zarba yo'lladi. To'p esa yo'l-yo'lakay o'z yo'nalishini o'zgartirdi va mehmonlar darvozasiga borib tushdi.

Ikkinchi bo'lim boshida "Parma" hujumchisi Kornelius burchakdan etkazilgan uzatmani bosh bilan "Yuve" darvozasiga joylab qo'ydi — 1:1.

Oradan atigi 3 daqiqa o'tib Ronaldu yana bir marta raqib darvozasiga yo'l topdi. Jarima maydoniga kirib borgan portugaliyalik futbolchi jamoadoshi tomonidan etkazilgan uzatmani havoga sovurmadi.

Uchrashuvda boshqa hisob o'zgarmadi. "Inter"ning ochko yo'qotishidan foydalangan "keksa sinora" endi ta'qibchisidan 4 ochkoga ilgarilab ketdi.

Italiya chempionati, 20-tur
Yuventus – Parma 2:1 (1:0)
Gollar: 1:0 – 43 Ronaldu, 1:1 – 55 Kornelius, 2:1 – 58 Ronaldu.
Yuventus – Shchensnii, de Ligt, Aleks Sandro (Danilo, 21), Bonuchchi, Remzi (Iguain, 59), Kuadrado, Matyuidi, Pyanich, Rabo, Ronaldu, Dibala (Duglas Kosta, 81).
Parma – Sepe, Yakoponi, Darmian, Brunu Alvesh, Galolo, Ernani, Skotstsarella (Sprokati, 66), Kulusevski (Siligardi, 88), Kutska, Kurtich, Ingleze (Kornelius, 44).
Ogohlantirish: Kurtich (71).