«Lokomotiv» Dubayda mashg'ulotlarga kirishdi

Oldinroq xabar berganimizdek, "Lokomotiv" futbolchilari o'quv-mashg'ulotlarini o'tkazish uchun 9 yanvar kuni Dubayga etib borishgandi.

Kecha “temiryo'lchilar” jamoasi futbolchilari reja bo'yicha jismoniy tayyorgarlikka e'tibor qaratuvchi mashg'ulotlarni o'tkazishdi.

Jamoa kuniga 2 mahal jismoniy holatni yaxshilash ustida ishlaydi. “Loko” dastlabki sinov-nazorat bahsini 16 yanvar kuni Rossiyaning "Spartak Moskva" jamoasiga qarshi o'tkazadi.