"Borussiya" Gittensni osonlikcha qo'yib yubormayapti

"Borussiya" "Chelsi"ning Jeymi Gittens borasidagi taklifini rad etdi.

Avvalroq London klubi 20 yoshli vinger uchun 42 million funt sterling (taxminan 49,7 million evro) taklif qilgani xabar qilingandi.

Florian Plettenberg xabariga ko'ra, dortmundliklar futbolchini bu summaga sotishdan bosh tortgan. Ular bonuslar bilan birga 65 million evro talab qilishmoqda. Muzokaralar davom etmoqda.

Gittens o'tgan mavsumda Bundesligada 32 ta o'yinda maydonga tushib, 8 ta gol urdi va 3 ta golli uzatmani amalga oshirdi.