Subimendi "Real" tufayli "Arsenal"ga o'tishni kechiktirdi

"Real Sosedad" yarim himoyachisi Martin Subimendi Londonning "Arsenal" klubiga o'tishga shoshilmayapti.

Turli manbalar xabar berishicha, "kanonirlar" yarim himoyachi bilan 2024/25 yilgi mavsum yakunlanishidan ancha oldin kelishuvga erishgan, biroq vaziyat haligacha aniq emas. Marca xabariga ko'ra, 26 yoshli futbolchi "Arsenal"ga o'tishini keyinga qoldirgan, chunki u "Real Madrid" unga taklif bilan chiqishini kutmoqda.

Mish-mishlarga ko'ra, "Los-Blankos"ning yangi bosh murabbiyi Xabi Alonso "Real Sosedad"da birga ishlaganidan beri tanish bo'lgan ispaniyalikni o'z jamoasida ko'rishni istaydi.