O'zbekiston olimpiya terma jamoasi Bangkokka ko'chib o'tdi

Tailandda 23 yoshgacha bo'lgan futbolchilar o'rtasidagi Osiyo chempionati davom etmoqda.

Lyubinko Drulovich boshchiligidagi O'zbekiston olimpiya terma jamoasi navbatdagi o'yinini guruh bosqichi 3-turi doirasida Janubiy Koreya termasiga qarshi o'tkazadi. Kecha terma jamoamiz Songxla shahridan Bangkokka etib keldi va tushdan so'ng mashg'ulot o'tkazdi. Mashg'ulot jarayoni ancha ko'tarinki ruhda o'tdi. Barcha yigitlar birdek qattiq mehnat qilishdi.

Koreyaga qarshi o'yin Bangkok shimolidagi Rangsit shaharchasida bo'lib o'tadi. Uchrashuv Toshkent vaqti bilan 15:15da boshlanadi. Bahsni yaponiyalik hakam Xiroyuki Kimura boshqarib boradi.