OChL. «Bunyodkor» - «Az-Zavra» o'yini sanasi o'zgardi

Xabar berganimizdek, «Bunyodkor» futbol klubi muxlislarga qulaylik yaratish maqsadida Osiyo Chempionlar ligasining ikkinchi saralash bosqichidan o'rin olgan Iroqning «Az-Zavra» jamoasiga qarshi bahsni 22 yanvarga ko'chirish bo'yicha OFKga murojaat xati yo'llagan edi.

OFK jamoamizning mazkur xatiga ijobiy ko'rinishda javob berdi. Shunga ko'ra, «Bunyodkor» - «Az-Zavra» bahsi avval belgilanganiga nisbatan bir kun keyin — 22 yanvar kuni bo'lib o'tadi.

Qolaversa, «Bunyodkor» stadionining chimi parvarish qilinayotgani bois mazkur bellashuv «Jar» o'yingohida o'tkaziladi. Uchrashuv 14:00da boshlanadi.