«Real» sardori safdan chiqdi

Madridning “Real” klubi himoyachisi Serxio Ramos kecha “Atletiko”ga qarshi bo'lib o'tgan Ispaniya Superkubogi bahsida jarohat olgan.

Diario Sport nashri tarqatgan xabarga ko'ra 33 yoshli ispaniyalik futbolchi to'pig'ini qayrib olgan. Ma'lumotlarga ko'ra, Ramos taxminan 10-15 kun maydonga tusholmaydi.

Eslatib o'tamiz, “Real” o'zining navbatdagi uchrashuvini 18 yanvar kuni o'z maydonida “Sevilya”ga qarshi o'tkazadi.