Konor: “Men oktagonda «sehr-jodu» ko'rsataman” (intervyu)

UFCning ikki vaznida chempionlikik kamarlarini qo'lga kiritgan sobiq chempion Konor Makgregor 19-yanvar (O'zbekiston vaqti bilan) sanasida yana oktagonga ko'tarilishidan xabaringiz bor. Ushbu jang oldidan Konor o'z fikrlari bilan o'rtoqlashib o'tdi.

Senda jang qilish uchun etarlicha raqib bo'lishiga qaramay nega aynan Donald Serroneni tanlading?

Men bu jang bo'lishini aytgan edim va u amalga oshdi. Mening Donald bilan o'ziga xos hisob-kitoblarim bor. To'g'ri, o'rtamizdagi qarama-qarshilik mashxur bo'lmasada, u uzoq vaqtdan beri davom etmoqda. Bu do'stona kayfiyatda o'tishi kutilayotgan jang. Men aynan shu jangda ishtirok etishni istayapman. Jang borasida bergan taklifimni qabul qilgani uchun uni qadrlayman. U bilan so'nggi bor Aldoning matbuot anjumanida ko'rishgan edik. Oradan ancha vaqt o'tdi. U bir nechta ajoyib g'alabalarni qo'lga kiritishga muvaffaq bo'ldi. Bundan tashqari unda ham men kabi katta oilaning boshlig'i. Shuning uchun ham uni hurmat qilaman. Bundan tashqari, uning men va biznesim haqidagi iliq so'zlarini ham qadrlayman. Darhaqiqat, barchasini yo'lga qo'yish uchun juda katta mehnat qilganman. Men u tomonidan ko'rsatilayotgan hurmatdan minaddorman. Yaxshi jang o'tkazishni rejalashtiryapman. Sezib turibman, mendan bunday so'zlarni eshitishga hech kim odatlanmagan. Ayni damda bu jangni tashkillashtirish uchun bu eng to'g'ri yo'l deb hisoblayman. Muxlislar mendan faqat va faqat janjallarni kutishadi. Yana oktagonga qaytganimdan baxtiyorman. Yilni Donaldga qarshi jang bilan boshlash naqadar yoqimli ekanligini tushuntirib bera olmayman. Jang oqshomida men chinakam «sehr-jodu»ni ko'rsataman. Sizlar avvalgi Konorni ko'rishga muvaffaq bo'lasiz. Ba o'zgacha jang bo'ladi.

Jang oldidan vazn va raqibni o'zing tanlading. Nima uchun engil vaznda jang qilishdan bosh tortding?

Ayni damda men ancha engil tosh bosyapman va bu 73 kg degani!

Nega unda engil vaznda jang qilishni tanamading?

Ochig'i engil vaznda Kovboy u qadar yaxshi jang o'tkaza olmasligini kundek ravshan edi.

Demak sen Kovboy uchun ham engil vaznda jang qilishdan bosh tortgansan?

Yo'q, men uchun umuman farqi yo'q. Men uni istalgan vazn toifasida «do'pposlay» olaman. Shunchaki, o'zimning yaxshi sport formada bo'lishimga e'tibor qaratdim. Vazn tashlab, so'ng jangga tayyorgarlik ko'rgandan ko'ra, bor e'tiborimni mashg'ulotlarga qaratishga qaror qildim. O'z qarorimdan baxtliman. Boz ustiga, yarim engil vaznda shiddatli jangler bo'lib o'tadi. Bu erda o'zining Kamari bilan maqtanuvchi Xorxe mavjud. Yaqindagina kamar uchun jang ham bo'lib o'tdi. Bu mening asl vaznimga to'liq javob beruvchi yo'nalish.

Sen engil vazndagi faoliyatingni tugatdingmi?

Hech qachon! Men 10 kun ichida yana engil vaznga tushib olishim mumkin, biroq ushbu jangda barchasi tabiiy bo'lishini istayapman. Qolganini keyinroq o'ylab ko'ramiz.