Diyor Imomxo'jaev: «Yaxshi ham futbolda mamlakat aholisining soni hech qanday rol o'ynamaydi»

Taniqli sharhlovchi va PFL direktori bosh o'rinbosari Diyor Imomxo'jaev O'xbekiston OTJning bugungi g'alabasi haqida fikr bildirdi.

“Yaxshi ham futbolda mamlakat aholisining soni hech qanday rol o'ynamaydi. Shuning uchun ham Yunusobodchalik aholisi bor Islandiya 11 yaxshi futbolchi topa oladi. Shuning uchun ham futbolchilarimiz Xitoydan yaxshiroq o'ynashadi.

Xitoy futbolga bizdagidan 20 marta ko'proq pul sarflaydi. Ammo hamma gap pulda emas, bunga yorqin misol Braziliya termasi. Biz ishlashda davom etishimiz va nafaqat davom etishimiz, balki to'g'ri ishlashimiz kerak. Biz solishtirmoqchi bo'lsak, kamida Yaponiya yoki Janubiy Koreyani, ko'pida o'sha Angliya, Germaniya yoki Ispaniyani olaverishimiz kerak. Bugungi g'alaba hammamizga muborak bo'lsin!”, - deb yozadi Imomxo'jaev telegram kanalida.