«Sheffild Yunayted» bosh murabbiy bilan shartnomani uzaytirdi

«Sheffild Yunayted» bosh murabbiy Kris Uaylder bilan shartnomani uzaytirdi. Yangi shartnomada mutaxassisning 2023/24 mavsum oxiriga qadar jamoada ishlashi ko'zda tutilgan.

52 yoshli Uaylder 2016 yilning may oyidan beri «Sheffild Yunayted»ni boshqarib kelmoqda. U o'tgan mavsumda jamoani APLga olib chiqdi va o'zining debyut mavsumida yomon natija qayd etmayapti. «Sheffild» kechagi g'alabadan so'ng jadvalda 5-o'ringa ko'tarilib oldi.