Xavi yozda «Barselona»ni qabul qilib olishi mumkin

«Barselona» yozda Xavini bosh murabbiy etib tayinlamoqchi. Eslatib o'tamiz, 2019 yilning yozida futbolchilik faoliyatini yakunlagan Xavi hozirda Qatarning «As-Sadd» klubini boshqarib kelmoqda. U 1998-2015 yillarda "ko'k-anorranglilar" saifda to'p tepgan.

Kataloniyaliklar rahbariyati kuni kecha Dohada Xavi bilan uchrashib, 39 yoshli mutaxassisga 2,5 yillik shartnoma taklif qilishdi. Ammo murabbiy mavsum yakunlanganidan so'ng "Barsa"ni boshqarishi mumkinligini aytdi. Bu haqda As nashri xabar tarqatdi.

"Ko'k-anorranglilar"ning hozirgi bosh murabbiyi Ernesto Valverdening shartnomasi 2020 yilning yozida yakuniga etadi va shundan so'ng mutaxassis "Kamp Nou"ni tark etadi.