Luis Suares: «Valverde aybdor emas, o'yinchilar xatoga yo'l qo'yishdi»

«Barselona» hujumchisi Luis Suares Ispaniya superkubogi doirasida «Atletiko»ga qarshi bo'lib o'tgan o'yin (2:3) borasida o'z fikrlarini bildirib o'tdi.

«Valverde aybdor emas, o'yinchilar xatoga yo'l qo'yishdi. Bunday qilmasligimiz kerak edi.

Bu mag'lubiyat bizga yordam beradimi yoki yo'qmi, bilmadim, ammo to'g'rilashimiz kerak bo'lgan narsalar bor. Biz o'yinni nazorat qildik, shuning uchun bunday xatolarga yo'l qo'ymasligimiz kerak edi. Ammo yo'l qo'ydik va raqibni qarshi hujumda o'tkazib yubordik.

Inobatga olinmagan ikkita gol? Men VAR haqida o'z fikrimni aytdim. Eng mantiqiy tizim — bu golni avtomat aniqlash tizimi. Ofsayd borasida esa xatoga yo'l qo'yish mumkin, chunki uni biz kabi insonlar aniqlaydi», – dedi Suares.