AFC U23. J.Koreya so'nggi soniyada Xitoyni mag'lub etdi
/ Kiritdi: BestMaster Ko'rilgan: 333
23 yoshgacha bo'lgan futbolchilar o'rtasidagi Osiyo chempionatining "S" guruhi jamoalari ishtirokidagi 1-turning yana bir o'yini bo'lib o'tdi.
Janubiy Koreya va Xitoy olimpiya terma jamoalari o'rtasidagi o'yin tengma-teng kurashlar ostida kechdi. Jamoalar bir nechta imkoniyatlardan foydalana olishmadi.
Faqatgina ikkinchi bo'limga qo'shib berilgan 3 daqiqaning so'nggisi o'tib borayotgan paytda koreyaliklar g'alaba to'pini kiritishdi. Olis masofadan etkazilgan to'pni Li Dong Jun jarima maydoni ichida o'ziga bo'ysundirdi, bir himoyachini aldadi va darvozani ishg'ol qildi.
Shu tariqa, Janubiy Koreya 3 ochko bilan guruh peshqadamiga aylandi. Jamoa 12 yanvar kuni Eron bilan to'qnash keladi. Xitoy esa o'sha kuni O'zbekiston olimpiya terma jamoasiga qarshi maydonga tushadi.
AFC U23 Osiyo chempionati, 1-tur
JANUBIY KOREYa - XITOY - 1:0 (0:0)
Gol: Li Dong Jun (90+3)
Bosh sahifaga
270