"El-klasiko" oldidan xavfsizlik choralari kuchaytiriladi

La Liganing 35-turidan o'rin olgan "Barselona" va "Real" o'rtasidagi Kataloniyada bo'lib o'tadigan uchrashuv oldidan rasmiylar xavfsizlik choralarini sezilarli darajada kuchaytirishga qaror qilishdi.

Stadion va uning atrofida tartibni saqlash uchun 700 ga yaqin xavfsizlik xodimi, jumladan, 440 politsiyachi safarbar etiladi.

Bu bunday o'yinlar uchun odatiy xavfsizlik darajasidan deyarli ikki baravar ko'p. Marca xabariga ko'ra, har ikki jamoaning xavfsizlik xodimlari doimiy aloqada bo'lib, jamoalar harakati va potentsial faol muxlislar guruhlari haqida ma'lumot almashadilar.

Xavfsizlikka e'tibor kuchayganiga qaramay, La Liga yuzaga kelishi mumkin bo'lgan hodisalar xavfini past deb baholaydi.