Superliga. OKMK safarda «Qo'qon-1912» ustidan ishonchli hisobda zafar quchdi

O'zbekiston chempionatining 9-turida OKMK safarda «Qo'qon-1912» bilan bahs yuritib, mavsumdagi to'rtinchi irodali g'alabasini qo'lga kiritdi.

Dastlab, Avazbek O'lmasaliev 38-daqiqada o'z darvozasini ishg'ol etib qo'ydi. Ikkinchi bo'limning 73-daqiqasida esa O'lmasaliev o'z xatosini to'g'riladi va oradagi farqni yo'qqa chiqardi. 

Asadbek Sobirjonov 81-daqiqada raqib himoyachisining xatosidan unumli foydalangan holda jamoasini hisobda oldinga olib chiqdi. Sobirjonovning o'zi 87-daqiqada oradagi farqni ikkitaga etkazib qo'ydi - 1:3.

Mirjalol Qosimov jamoasi ochkolarini 22 taga etkazib, 1-o'rinni mustahkamladi. Qo'qonliklar 12 ochko bilan 6-pog'onada qoldi.

Superliga. 9-tur
Qo'qon-1912 — OKMK 1:3

Gollar: Avaz O'lmasaliev (38, avtogol) — Avaz O'lmasaliev (73), Asad Sobirjonov (81, 87).

Qo'qon-1912 — Aziz Isaqov, Asliddin Toshtemirov (Iqbol Malikjonov, 19), Jasur Yoqubov, Alisher Salimov, Shota Gvazava (Javohir Husanov, 88), Baxtiyor Qosimov, Shahzod Beshimov (Bahrom Abdurahimov, 88), Jasur Xolto'raev (Egor Kondratyuk, 65), Shahzod Akramov, Muhammadanas Hasanov, Andro Giorgadze.

OKMK — Humoyunshoh Sayyotov, Mirjamol Qosimov (Asad Sobirjonov, 64), Avaz O'lmasaliev, Dilshod Ahmadaliev, Kleydi Datsi (Aziz Xolmurodov, 46), Xurshid G'iyosov, Oybek Rustamov, Ahmadullo Muqumjonov (Naoaki Senaga, 64), Islom To'xtaxo'jaev, Arixiro Sentoku (Ruben Sanches, 46), Nodir Abdurazzoqov.