"Real" ikki yulduzni tekinga olmoqchi

Madridning "Real" klubi transferlarga katta pul sarflamasdan himoya chizig'ini kuchaytirmoqchi. Bu haqda Marca gazetasi jurnalistlari xabar bermoqda.

Manbaga ko'ra, "qirollik klubi"ning transfer short-listida Angliya Premer-ligasining ikki himoyachisi bor. "Qaymoqranglilar" safini Vilyam Saliba ("Arsenal") va Ibraim Konate ("Liverpul") to'ldirishi mumkin. Shu bilan birga, "Real" bosslari bu transferlarga pul sarflashni istamayapti va futbolchilarning hozirgi klublari bilan shartnomalari tugashini kutmoqchi.

Konate "Liverpul" bilan 2026 yilgacha bo'lgan mehnat majburiyatlariga ega, Salibaning "kanonirlar" bilan shartnomasi esa 2027 yilgacha mo'ljallangan.