"Jirona" bosh murabbiyi "Vilyarreal"ga qarshi o'yin oldidan kasalxonaga yotqizildi

"Jirona" bosh murabbiyi Mishel Sanches tibbiy sabablarga ko'ra kasalxonaga yotqizildi, deb xabar berdi klub matbuot xizmati.

Mutaxassis sog'lig'idagi muammolar tufayli 10 may kuni bo'lib o'tadigan "Vilyarreal"ga qarshi Ispaniya chempionati 35-tur uchrashuvini o'tkazib yuboradi.

"Shifokorlarning tavsiyalarini tinglab, ularning kasbiy mahoratidan minnatdorman, tuzalishim uchun bir necha kunlik tanaffus qilishga majbur bo'ldim", - deb yozdi 49 yoshli murabbiy ijtimoiy tarmoqlardagi o'z xabarida.

Sanches jamoasi u yo'qligida ham kurashni davom ettirishiga va muxlislarni xursand qilishiga ishonch bildirdi. "Jirona" ayni damda 38 ochko bilan La Liga turnir jadvalida 15-o'rinda bormoqda.