"Bavariya" markaziy himoyachisi faoliyatini Frantsiyada davom ettiradi (Fabritsio Romano)

"Bavariya" himoyachisi Erik Dayer "Monako"ga o'tadi, deya xabar berdi insayder Fabritsio Romano.

Manbaga ko'ra, transfer bo'yicha kelishuv allaqachon yakunlangan, shartnoma imzolangan.

31 yoshli angliyalik markaziy himoyachi joriy mavsum jamoa safida 26 ta o'yinda maydonga tushib, 3 ta gol urdi va 1 ta golli uzatmani amalga oshirdi.

Dayer joriy mavsum faoliyatidagi ilk chempionlikni qo'lga kiritdi - u myunxenliklar bilan Germaniya chempionatida g'olib chiqdi.