Futbolchilarimiz chempionlikni himoya qilishga kirishadi

Xabaringiz bor, ayni kunlarda Tailand yashil maydonlarida futbol bo'yicha U-23 Osiyo chempionati bo'lib o'tmoqda. Bugun musobaqada terma jamoamiz o'rin olgan “S” guruhida 1-tur uchrashuvlariga start beriladi. Musobaqaning amaldagi g'olibi hisoblanmish jamoamiz dastlabki turni Eron OTJga qarshi bahs bilan boshlaydi.

Uchrashuv Tailandning Songxla shahridagi “Tinsulanon” stadionida Toshkent vaqti bilan 15:15 da start oladi. Terma jamoamiz o'yinda oq, eronliklar esa qizil kiyimda harakat qilishadi. Uchrashuvni boshqarib borish qatarlik Hamis Al-Marri boshchiligidagi hakamlar brigadasiga topshirilgan.

U-23 Osiyo chempionati. Tailand.
O'ZBEKISTON – ERON
“S” guruhi, 1-tur. 9 yanvar. 15:15
Bosh hakam: Hamis al-Marriy (Qatar)