O'zbekiston olimpiya terma jamoasi Eron bilan o'yin oldidan rasmiy mashg'ulot o'tkazdi

Ertaga O'zbekiston olimpiya terma jamoasi U-23 Osiyo chempionatidagi ishtirokini boshlaydi.

Olimpiyachilarimizga ilk uchrashuvda eronlik futbolchilar raqiblik qiladi. Bugun O'zbekiston olimpiya terma jamoasi a'zolari mazkur uchrashuv oldidan hal qiluvchi yakuniy mashg'ulotni o'tkazdi.

Mashg'ulot jarayonining dastlabki 15 daqiqasi OAV uchun ochiq tarzda kechdi. Ko'tarinki ruhda o'tgan mashg'ulot davomida barcha futbolchilar qattiq ter to'kishdi.