VIDEO! «Lokomotiv», «Paxtakor» va «Humo» olimpiyachilarimizga omad tilashdi

Bugun Tailand yashil maydonlarida 23 yoshgacha bo'lgan futbolchilar o'rtasida Osiyo chempionati start oldi.

E'tiborlisi, bu yilgi turnirning Tokio Olimpiadasiga yo'llanma berishi musobaqaga bo'lgan e'tiborning yana bir karra oshishiga sabab bo'lmoqda. Shu tariqa qit'amizning ushbu yosh toifasidagi eng kuchli 16 jamoasi musobaqa g'olibligi qatori Tokio Olimpiadasi yo'llanmalari uchun kurash olib boradilar. Ular orasida Olimpiya terma jamoamiz qit'a chempionligini himoya qiladi.

O'zbekistonning yakunlangan mavsum chempioni "Paxtakor", vie-chempion "Lokomotiv", qolaversa "Humo" xokkey klubi olimpiyachilarimizga omad tilashdi. Biz ham ular qatori O'zbekiston OTJga zafarlar tilab qolamiz.