Gvardiola: «MYu» «kambek» qilishi mumkin»

Angliya liga kubogi yarim final bosqichi doirasida bo'lib o'tgan «Manchester Yunayted» va «Manchester Siti» jamoalari o'rtasidagi dastlabki o'yindan so'ng mehmonlar bosh murabbiyi Pep Gvardiola o'z fikrlari bilan o'rtoqlashdi.

«MYu»ga qarshi avvalgi o'yinda (dekabrdagi o'yinda «Man Siti» 1:2 hisobida yutqazgan edi — stadion.uz izohi) to'pni yo'qotgan vaziyatlarda nazoratni qo'ldan chiqargan edik. Bu safar bunga yo'l qo'ymadik.

O'shanda raqib xavfli hujum tashkil qilishi mumkin bo'lgan vaziyatlarda to'pni yo'qotgan edik. Qanday jamoaga qarshi o'ynayotganimizni unutmasligimiz kerak. Bu safar esa «Old Trafford»da qo'lga kiritilgan g'alabadan qoniqish hosil qildik.

Lekin hali ish yakuniga etgani yo'q. Oldinda yana bitta o'yin bor. Ko'ramiz, nima yuz berar ekan. Albatta, «Manchester Yunayted» "kambek" qilishga qodir. O'tgan yili jamoa o'z uyida "PSJ"ga yutqazib, Parijda g'alaba qozongan edi. Ular buyuk tarixga ega bo'lgan jamoa futbolkasida o'ynashmoqda», – dedi Gvardiola.