«Barselona» «Palmeyras» yarimhimoyachisiga qiziqish bildirmoqda

"Barselona" "Palmeyras"ning 21 yoshli yarim himoyachisi Mateus Fernandesga qiziqmoqda.

Kataloniya klubi allaqachon 21 yoshli yarim himoyachining transferi borasida taklif bilan chiqgan, deya xabar beradi Globe Esporte nashri.

"Palmeyras" shu yilning yanvar oyida futbolchini "Botafogo"dan 3,5 million evroga sotib olgan edi.

Futbolchining shartnomasi 2023 yil oxirigacha amal qiladi.

2019 yilgi mavsumda yarim himoyachi Braziliya chempionatida 11 uchrashuv o'tkazdi va bitta gol urdi.