Benzema Ispaniya Superkubogini o'tkazib yuboradi

Hujumchi Karim Benzema sog'lig'i tufayli Ispaniya Superkubogida "Real"ga yordam bermaydi, deya xabar beradi Ispaniya klubining rasmiy sayti.

Frantsiyalik hujumchining oyoq mushaklari shikastlangan va jamoa bilan Saudiya Arabistoniga bormaydi. 32 yoshli futbolchining tiklanish vaqti noma'lumligicha qolmoqda.

Ma'lumot o'rnida, ushbu mavsumda Benzema "Real" safida 24 ta uchrashuv o'tkazib, 16 ta gol va 7 ta golli uzatmani amalga oshirdi.