«Tottenxem» Lemarni sotib olish imkoniyati bilan ijaraga olmoqchi

"Tottenxem" yarim himoyachi Toma Lemarni kuzatishda davom etmoqda va "Atletiko" bilan muzokaralarni boshlashni rejalashtirmoqda, deb xabar beradi The Independent.

"Shporlar" mavsum oxiriga qadar frantsuz yarim himoyachisini ijaraga olmoqchi. Shuningdek, London klubi shartnomada 60 mln evro evaziga sotib olish variantini qo'shishni rejalashtirmoqda.

Ma'lumot o'rnida, Lemarning "Atletiko" bilan amaldagi shartnomasi 2023-yilning iyungacha hisoblanadi.

Eslatib o'tamiz, joriy mavsumda 24 yoshli futbolchi Atletiko safida 21 ta uchrashuvda maydonga tushgan.