Legionerga aylanish ehtimoli katta bo'lgan termamiz a'zolari

So'nggi yillarda termamiz g'alabalariga ,asosan, legioner futbolchilar katta hissa qo'shishmoqda. Bunga Ummon termasi bilan bo'lgan o'yin yaqqol misol bo'la oladi. Futbolchilarimiz saviyali birinchiliklarda ishtirok etib, nafaqat o'zlarining, balki, termamiz darajasini ham ko'tarilishiga munosib hissa qo'shib kelmoqdalar. Bugun legioner bo'lish ehtimoli yuqori bo'lgan futbolchilarimizga to'xtalmoqchimiz

Javohir Siddiqov

Texnika va maydonni ko'ra olish qobiliyati yaxshi shakllangan yarim himoyachimiz anchadan beri bir nechta xorij klublari e'tibor markazida turibdi. Zamonaviy futbolda fantazista obrazidagi futbolchilarga ehtiyoj katta ekanligini hisobga olsak, Javohir uchun bu Osiyo kubogi yaxshigina reklama vazifasini bajarib berishi mumkin. Buning uchun Javohir ko'proq o'yinni o'ziga olib, jamoamizning iloji boricha uzoqroqqa borishini ta'minlashi kerak.

Sardor Rashidov

Avstraliya yashil maydonlarida o'tkazilgan qit'a chempionatining kashfiyotlaridan biri bo'lgan Rashidov o'sha turnir so'ngida Qatarning eng nomdor klublaridan biriga o'tib ketgan edi.

Hozirda futbolchimiz ayrim sabablarga ko'ra«lokomativ» klubi asosiy tarkibiga kira olmayapti. Bu chempionat uning uchun omadli kelsa, u yana arab klublaridan biriga o'tishi mumkin. Bu o'zi uchun ham, o'zbek futboli uchun ham juda foydali ish bo'lar edi. Buning uchun Rashidov jamoaviy o'yinda faol ishtirok etishi va gollar urishi kerak. Kuper hozircha unga imkon bermoqda. Rashidov uchun o'tayotgan Osiyo kubogi o'zining karierasini tiklab olishi uchun eng zo'r imkoniyat

Jaloliddin Masharipov

Hujumkor yarim himoyachimiz hozirda yaxshi formada ekanligi kechagi o'yinda shundoq sezildi. Masharipov qo'rqmay o'yinni o'ziga olgancha, birinchi taymda hujumlar uyishtirishda faol ishtirok edi. Bu futbolchimiz yoshligidanoq iqtidorini bir necha bor namoyish etib ulgurgan. «Paxtakor» jamoasidagi o'yinlari ham chakki emas, lekin Jaloliddin bundan ham balandroq darajaga chiqishi mumkin. Buning uchun esa bizning chempionatimizdan kuchliroq va saviyaliroq ligaga o'tishi