Ronaldu «xet-trik» bo'yicha Messini ortda qoldirdi

«Yuventus» hujumchisi Krishtianu Ronaldu Italiya chempionatining 18-turi doirasida bo'lib o'tgan «Kalyari»ga qarshi o'yinda (4:0) uchta gol urdi.

34 yoshli portugaliyalik futbolchi uchun bu Evropa milliy chempionatlari doirasidagi 36-"xet-trik" bo'ldi. U Ispaniya La ligasida 34ta hamda Angliya va Italiya chempionatlarida 1 marta "xet-trik"ni rasmiylashtirgan.

Bu ko'rsatkich bo'yicha u «Barselona» sardori Lionel Messini ortda qoldirdi. Argentinalik futbolchi hisobida 35ta "xet-trik" mavjud (barchasi La Ligada).