A seriya. «Latsio» so'nggi daqiqada «Breshiya»ni taslim qildi (videosharh)

Italiya chempionatining 18-turi doirasida «Breshiya» o'z maydonida «Latsio»ni qabul qilib, alamli mag'lubiyatga uchradi.

Bahsning 18-daqiqasida Mario Balotelli mezbonlarni hisobda oldinga olib chiqdi. Uchrashuvning 39-daqiqasida esa "Breshiya" himoyachisi Chistana ikkinchi sariq kartochkani olib, maydondan chetlatildi. Belgilangan penaltini esa Immobile aniq amalga oshirib, hisobni tenglashtirdi.

Breshiyaliklar bir kishi kam bo'lib o'ynaganiga qaramay, o'yin oxiriga qadar durangni ushlab turishdi. Ammo qo'shib berilgan daqiqalarda Chiro Immobile raqib darvozasini ishg'ol qilib, "Latsio"ga g'alaba keltirgan gol muallifiga aylandi.

Ushbu g'alabadan keyin rimliklar o'z ochkolarini 39taga etkazib, peshqadamlar bilan oradagi farqni 3tagacha qisqartirishdi.

Italiya chempionati, 18-tur
Breshiya – Latsio 1:2 (1:1, 0:1)
Gollar: 1:0 – 18 Balotelli, 1:1 – 42, penalti Immobile, 1:2 – 90+1 Immobile.
Breshiya – Yoronen, Mateyu, Sabelli, Chanselor, Chistana, Bizoli, Shpalek (Viviani, 46), Tonali (Semprini, 81), Romulo, Torregrossa (Mangraviti, 42), Balotelli.
Latsio – Strakosha, Radu (Xoni Rodriges, 59), Acherbi, Luis Felipe, Latstsari, Parolo (Kataldi, 59), Lulich (Anderson, 77), Milinkovich-Savich, Korrea, Kaysedo, Immobile.
Ogohlantirishlar: Chistana (35), Tonali (43), Balotelli (47), Radu (56), Parolo (57), Bizoli (57), Xoni Rodriges (65), Kataldi (72), Chanselor (86).
Chetlatish: Chistana (39).